من هو العقل التسويقي ؟!

الاستراتيجية التسويقية

الأتسراتيجية التسويقية Marketing Strategy هو العقل التسويقي اللى هيجاوب على سؤالين مهمين جدا :

1- هروح لمين بمنتجاتي وخدماتي ؟

2- و(مين) اللي هيشوفني وسط السوق والمنافسيين وزحمة المنتجات والخدمات ؟

Related imageالشركة مش بتقدر تحط استراتيجية للسوق بدون المعلومات اللى جمعتها عن السوق سواء بقى عن طريق مخابراتها التسويقية او مصادرها الداخلية او عن طريق بحوثها التسويقية المنظمة.

بعد ما تجمع الشركة المعلومات التسويقية اللي محتاجاها، بتبدأ تحدد ايه اهدافها في السوق، واللى بتبقى مناسبة لإمكانياتها ومواردها، وبعد ما تحدد اهدافها بتبدأ تقسم السوق لشرائح سوقية اصغر، وتستهدف الشرائح السوقية المناسبة ليها.

الأستراتيجية التسويقية هى الاساس لكل الخطوات العملية الفعلية اللى هتمشي عليها الخطة والعملية التسويقية بعد كده، فمثلا دلوقتي الشركة هتطور منتج رائع، وتسعير منافس، وتوزيع تحفة، ودعاية مبدعة، وفي الحقيقة كل المصطلحات الجميلة دي ملهاش اي معنى اذا متعملتش بناء على الفكر والأستراتيجية التسويقية الصح اللى هتحطها الشركة.

ناخد مثال:

Business People Analyzing Statistics Financial Concept Free Photoالشركة دلوقتي هتطور المنتج، يا ترى هتحط له معايير جودة اية، وخصائص ومزايا فيه بدون ما تعرف الشريحة التسويقية المناسبة اللى هتستهدفها!! فالشريحة واحتياجاتها والشكل اللى عاوز الشريحة دي تشوفني عليه – الوضع هما اللي هيحددولي شكل المنتج اللى هتطوره الشركة.

طيب خلينا ناخد مثال كمان بس في (التسعير)

Image result for ‫التسعير‬‎الشركة هتعمل تسعير ممتاز، عبارة عن سعر قليل جدا للمنتج وهتكون دي ميرزة من مزاياها التنافسية، لكن هو ممكن تعمل النوع ده من التسعير اذا كانت الشريحة التسوقية اللى مستهدفاها شريحة عالية الدخل جدا والطبقة الاجتماعية بتاعتهم اعلى حاجة؟! أكيد لإ .. وعشان كده لازم الشركة تطور وتحدد الاول الاستراتيجية التسويقية المناسبة، وبعد كده تبدأ تطور نظام التسعير المناسب.

 

Distribution goods from a warehouse to a store Free Vectorونفس الكلام هينطبق على التوزيع ، فالشركة مينفعش توزع في كل مكان في البلد مثلا اذا كانت بتستهدف الطبقة عالية الدخل والمعيشة، ولا هتحط اعلاناتها في الشوارع في اي مكان بشكل عشوائي، اذا كانت هتستهدف نفس الشريحة الراقية من المجتمع ،… وهكذا

 

 

 

 

Smart System Businessman Strategy Illustration Concept Free Vector

وكلام ده ملوش خلاصة لأن الأستراتيجية التسويقية بحر عميق وزي ما قولنا هي العقل المدبر هنتكلم عنها في مواضيع اكتر واكتر بس بشكل مبدئي لازم الشركة تحط استراتيجية تسويقية على اساسها هتطور كل خطوة تسويقية وبرنامج تسويقي بعد كده