خطوات هتخلي عدد الزيارات لمتجرك يزيد

زيادة عدد الزيارات على متجرك هتخليك تجذب كتير من العملاء . كتير من الناس بيهتموا بشكل المتجر وينسوا حاجات مهمة وهي التسويق للمتجر

Ostoria
Ostoria

زيادة عدد الزيارات على متجرك هتخليك تجذب كتير من العملاء . كتير من الناس بيهتموا بشكل المتجر وينسوا حاجات مهمة وهي التسويق للمتجر , النقاط اللي هقولك عليها في المقال ده هيتطلب منك انك تختبرها كتير عشان توصل لافضل نتيجة والبعض الآخر هيحتاج منك صبر والتزام . على كل حال لو كنت متحمس وجاد انك تطور متجرك وتوسعه هتلاقي عدد الزيارات لمتجرك أمر مهم وجزء أساسي من شغلك اليومي .
هعرض عليك 7 طرق لزيادة عدد الزيارات لمتجرك الالكتروني

1- زيادة عدد الزيارات عن طريق إعلانات Facebook :

تعتبر اعلانات الفيسبوك أفضل الوسائل لزيادة عدد الزيارات لمتجرك الالكتروني , الامر مش سهل لكن هينجح بعض التجربة لفترة معينة لحد ما تتمكن انك تلاقي اعلان ناجح خاص بيك , وقتها الأمور هتبقى سهلة.
لازم تختبر شوية امور لما تبدأ حملة اعلانية على الفيسبوك , اولا لازم تختبر المنتجات والصور عشان توصل لإعلان ناجح ويناسب عملائك. كمان لازم تختبر أنواع مختلفة من الاعلانات مثلا مع التجربة هتوصل لنتيجة أن عدد الزيارات بيزيد لما تمول واحد من المنشورات الخاصة بيك على صفحة المتجر اكتر من تمويل اعلان عن طريق إعلانات الفيسبوك.
اتاكد دايما انك تستخدم صور جذابة وعالية الجودة , عملية اختيار الصورة بتأثر بشكل كويس على اختيارات العميل خصوصا في حالة تأثير الصورة عليه بشكل عاطفي لأنه هيخليه يندفع عاطفيا بسبب الصورة ويشتري المنتج. مثلا زي الصورة دي فيها طفل جميل لابس لبس كيوووت ده هيعطي دفعة لواحدة حامل بتدور على مستلزمات اطفال انها تشترى اللبس ده وعشان هي حامل هتتاثر باشكال الاطفال .الاعلانات اللي بتحفز وتجذب العملاء وبتزيد من زيادة عدد الزيارات , متنساش تشيل العلامة التجارية من على اي صورة تاخدها من النت باستخدام الفوتوشوب.

Image result for ‫لبس بيبي‬‎لما تعمل اعلان لازم تكتب السعر الخاص بالمنتج على المنشور لان وجود السعر بيزيد ثقة العميل ويخليه ميتجاهلش متجرك
كمان متنساش تستخدم فيسبوك بكسلز Facebook Pixels للمتجر لأنه في اوقات كتير المشتري ممكن ياخد المنتج مرة واتنين بعد ما يشوف الاعلان الخاص بيك.

2- زيادة عدد الزيارات عن طريق كتابة محتوى للـ Blog الخاصة بيك:

عملية كتابة المحتوي هتاخد مجهود كبير ممكن يقعد لشهور قبل ما تشوف النتيجة الفعلية من وراه , لكن هياثر جدا في عدد الزيارات لمتجرك . ممكن المقالات تاخد من 4-6 شهور لحد ما تبدا تاخد مكان في محرك البحث  . عملية كتابة المحتوى للمدونة عملية محتاجة صبر والتزام لوقت طويل عشان توصل لهدفك وهو زيادة عدد الزيارات.
متنساش تتاكد من اضافة البرمجية الخاصة بمحرك البحث في متجرك عشان تتاكد من ان المقالات المنشورة على Blog تظهر في نتايج البحث . لازم كلمات المقالة متقلش عن 1500 كلمة وانك تتاكد من نشر صور وفيديوهات لانه كل ما زاد المحتوى الموجود زادت مرتبتك في نتايج البحث.Image result for plug in seo

في خدعة كدا ممكن تعملها ممكن تزيد عدد الزيارات انك تقوم بذكر شخصيات عامة في منشورات الـ Blog وبعدها ممكن تتواصل معاهم وتطلب منهم يشاركوا معاك في كتابة مقال او اتنين .
وحط المقالات اللي كتبتها على الفيسبوك عشان يجي قراء كتير , ممكن في البداية ميحصلش تفاعل لكن مع استمرارية وجودك هيبقى امر مهم لحد ما يبقى عندك جمهور كبير , استخدم الهاشتاجات دايما في كل منشور على مواقع التواصل عشان يوصل لناس كتير .

3-اتاكد من وضوح Call to Action لعملائك :

هو عبارة عن الجملة اللي بتشجع المستخدم على اتخاذ الاجراء اللي انت عايزه في كل مشاركاتك على Social Media لزيادة الزيارات لمتجرك.
لازم توجه كل مشاركة على مواقع التواصل لمتجرك الالكتروني او الصفحة الخاصة بيك حتى لو كانت الصورة ملهاش علاقة بالمنتج اللي بتبيعه لازم دايما تفكر الناس انهم يدخلوا يزوروا المتجر.
ولان انت مش متاكد من المنشور اللي ممكن يتفاعلوا عليه الناس في بعض الاحيان بتبذل مجهود كبير في فكرة منشور عشان ينتشر بشكل اكبر لكن للاسف مش بيبقى في مشاركات كتير في بعض الاحيان عشان كدا لازم انك توجه الناس في كل منشور انك تقولهم على الموقع الخاص بيك عشان تزيد عدد الزيارات.

4-اطلب بشكل مستمر من العملاء انهم يقيموا المنتج بتاعك :

مراجعات وتقييم العملاء ليهم هدفين : اولهم بيحسن ترتيب البحث الخاص بمتجرك لانه في حالة عدم اضافة محتوى جديد لمتجرك وجود تقييم العملاء هيزيد من وجودك في محركات البحث , كمان التقييم المستمر من العملاء يعطي انطباع عام عن متجرك انه نشط وفي حركة بيع وشراء.
في كمان اهمية تانية لتقييم العملاء وهو تاثير التقييمات الايجابية على دايرة الاصدقاء الخاصة هيزيد امكانية الشراء في متجرك بعدين .

5-ابعت عينات مجانية للشخصيات العامة:

المتعارف عليها حاليا ان في بعض المتاجر بتبعت للمودلز عينات مجانية من منتجاتها عشان تزيد نسبة المبيعات عند المتجر ,نقطة مهمة جدا لازم تاخدها في عين الاعتبار وهي ان البريد الالكتروني اللي هيحتوي على العينة المجانية لازم يكون مختصر وواضح عشان يتم النظر ليه بعين الاهتمام , ولازم انك تتابع لو في اسئلة او استفسار على المنتج .

6-خليك شاطر في التسويق لمتجرك عن طريق البريد الالكتروني:

التسويق عن طريق البريد الالكتروني امر مهم اوي لزيادة عدد الزيارات لمتجرك , في دايما خطأ بيحصل وهو انك تهتم بس بجذب العملاء الجدد ليك وتتجاهل ترتيب قايمة البريد الالكتروني الخاص بالعملاء . لان العملاء اصحاب الاحتمالية الاكبر انها يشتروا منك تاني عشان كدا لازم تدي اهتمام ليهم كبير وتكون حريص انك تكتب قايمة متجددة بالبريد الالكتروني الخاص بيهم.

7-اكتب بعض المشاركات في Blogs التانية عشان يجيلك زيارات لمتجرك:

تعتبر كتابة بعض التدوينات في Blogs المشهورة امر مهم عشان تستفاد من جمهور المدونات دي , لكن عشان تقدر تعمل كدا لازم تضيف من خلال المحتوى اللي هتقدمه حاجة مميزة وتجذب الجمهور لان في المدونات دي قواعد صعبة وبردو عشان تتجنب اي خسارة
لازم تبص لنوع المشاركات اللي بيتم اضافتها باسمك لانها هتكون جزء من الصورة اللي بيكونها العميل ويفضل انك تختار بعناية الموضوع ويكون مثلا عن منتج بيحبه الناس لانه ده هيساعد كتير في زيارة متجرك الالكتروني .

Image result for focus

لازم تبص على كل حاجة قبل تنفيذ اي مشروع عشان تحاول قدر الامكان تفادي الخسارة.