كيف تضاعف أرباحك من خلال إسعاد عملائك الحاليين؟

كيف تضاعف أرباحك من خلال إسعاد عملائك الحاليين؟

أستراتيجية الحفاظ على العملاء الحاليين

ممكن تكون سمعت كتير جمله (استراتيجيه الحفاظ على العملاء) طيب يعني ايه جملة دي ؟

Recycle free iconانك تحافظ على العملاء الحاليين للمتجر الخاص بيك ده يعتبر استراتيجيه الاكتر توفيرا للتكاليف لانك بتخليهم يقوموا بتكرار عمليات شراء جديدة بعكس انك تدور على عملاء جدد وده يعتبر استراتيجية اعلى في التكلفة.

ودي حقيقة واقعية لكتير من القطاعات التجارة الالكترونية فبقى الوصول لعملاء جدد استراتيجية تكلفتها عالية مع مرور الوقت.

ومحاولة استهداف عملائك الحاليين عشان يقوموا بعمليات شرائية جديدة بيعزز ارباحك بشكل كبير جدا وبيقلل من تكاليف التسويق وده بيحصل لما بيكون عندك استراتيجية واضحة عشان تقدر تعملها.

Percentage free iconحفاظك على 5% فقط من عملائك ودفعهم إلى تكرار عمليات شرائية من شأنه أن يزيد مبيعاتك بنسبة تتراوح بين 25% إلى 95%.

وكده وضحت لينا فكره الحفاظ على عملائك الحاليين ومحاولة انك تخليهم يشتروا مره تانيه ده بيعود بالنفع على تجارتك بقدر كبير جدا.

ولو كنت بتمتلك متجر إلكتروني فلازم تفكر في استراتيجية تتبنى الفكرة دي في خطط المستقبلية وهنوضح ليك بعض النقاط المهمة اللى ممكن تساعدك في فهم الموضوع اكتر

ما هي استراتيجية استبقاء العملاء الحاليين؟ وما فائدتها؟

زي ما قولنا انك تحافظ على عملائك اللى تعبت في الوصول ليهم وتخليهم يكرره عملية الشراء بهدف طبعا زياده الارباح العايدة على متجرك وتتأكد كمان من حصولهم على منتجاتك باستمرار. بأختصار هتلاقي ان استراتيجية البحث عن عملاء جدد هدفها جمع اكبر عدد ممكن من العملاء بينما بقى استراتيجية استبقاء العملاء هدفها زيادة الارباح المحققة من كل عميل لدى المشروع التجاري.

وبما اننا فهمنا استراتيجية الحفاظ على العملاء, وانها ليها نفس او اكتر كمان من اهمية البحث على عملاء جدد

هنتكلم عن بعض الافكار اللى ممكن تساعدك في فرصة استبقاء وحفاظك على عملائك وقيامهم بعمليات الشراء الجديدة خلال فترات زمنية متباعدة

Webpage free icon1- حسابات للعملاء على متجرك.

انك تشترط على العميل امتلاك حساب على الموقع لاجراء عملية شرائية فدة سلاح ذو حدين, بمعنى ! الحسابات بتخلي عمليات الشراء في مرة تانيه اسهل بكتير على العميل لانه بيكون سجل بياناته مره واحدة بس على الجانب التانى انك تشرط او تفرض على العميل انه يمتلك حساب على الموقع ده ممكن يعطل او يخلي العميل يتكاسل انه يعمل عملية شرائية

طيب انت ممكن تعمل ايه ؟ وازاى تحاول تستخدم الميزة دي ليك من غير ما تخلي عميل يشوفها بالجانب التانى مثلا: تخلي عميل يسجل ويعمل حساب على الموقع بعد اول عملية شرائية ليه مثلا وانك تبلغه انه طلب الاوردر بتاعه اكيد وفي نفس الوقت انه يقدر يتابع تفاصيل شحنته بتسجيله لحساب على الموقع

Customer support free icon2- خدمة عملاء مميزة.

هدف خدمة العملاء المميزة هي بتساهم جدا في انك تعمل تواصل فعال مع عملائك وانك تقدر تقدم ليهم مستوى المطلوب من الخدمة سواء قبل ولا بعد البيع, ووجود ممثلين لمتجرك وجودهم باستمرار دايما عشان يقدروا يتكلموا بشكل مباشر مع عملائك دي بتخليهم يقدروا يحلوا ويتعاملوا مع شكاوى ومشاكل اللى بتواجه العميل وده لوحده بيعود عليك بأرباح لمتجرك وده بيساعدك وبتدي دافع كبير لعملائك انهم يكرره عملية الشراء وهنا وصلت لهدفك بسهولة انك قدرت تنفذ استراتيجية الحفاظ على عملائك الحاليين

ببساطه في مقولة بتقول ( عميل سعيد هو عميل دائم )

والخدمه دي مش محتاجه منك مجهود كبير او صعب بالعكس هو سهل جداا, لما العميل يحس انك مهتم لأمره وبتحاول تقدم ليه افضل خدمة ده بيخليهم يحسوا بالسعادة وبيبني ولاءهم ليك ولمتجرك.

مثلا: انك تبعت ليه رسايل بالبريد الإلكتروني انك تشكرهم على تعامل مع متجرك وانك في خدمتهم بأفضل شكل ممكن, كمان انك تبعت هدية بسيطه مع الاوردر اللى اشتروه, انك تمع لاصغر شكوى وتحلها باسرع وقت وانك بتحاول ترضيه دايما كده اضمن انك كسبت عميل مدى الحياة.

Consumer free icon3- عمل برنامج العملاء المميزين.

برنامج العملاء المميزين هي اكتر الخدمات المميزه والمربحة للطرفين لمتجرك وللعميل كمان وهي من وسائل الناجحه جدا في زياده معدل الشراء للعملاء الحاليين. لانها بتحفز العميل انهم يشتروا منتاجات اكتر عشان يستفادوا بمكافات قيمه نتيجة انهم اشتروا. وزي ما قولنا هي نتيجه مربحه للطرفين (المتجر والمشتري) من حيث العميل بيحصل على قيمه اضافية في كل مرة يشتري, وفي المقابل متجرك بيستفيد من تكرار عمليات الشراء

والامثلة كتيره جدا مثلا:

انك تشجع العملاء انهم يعمل حساب خاص بيهم على متجرك مقابل حصولهم على مكافأه ترحيب يشتروا بيها منتجات ولما يلاقوا سهولة حصول على مكافات من خلال تعامل معاك ومع متجرك هيكونوا متحمسين يتعاملوا تانى مع متجرك ويكرره عمليه شراء وبرضو ممكن تقدم ليهم مكافات لو اشتروا منك مره تانيه, او تقدم ليهم خصم لو اشتروا بمبلغ معين وده بيساعدك في انك تعرف مين عملائك المميزين وعدد طلباتهم وحجم المبلغ اللى صرفوه.

Email free icon4- استغلال البريد الإلكتروني.

البريد الالكتروني بيوفر ليك فرصة انك تبني علاقة قوية مع عملائك وده قبل وبعد اجرائهم بعملية الشراء وفي كل رساله بتبعتها للعملاء بتضيف قيمة لفكرتهم عن متجرك. بس لو مكنتش الرسالة هتكون فيها اضافه وفايدة للعميل فأنت بتخاطر وممكن تخسرهم كعملاء لمتجرك, عشان كده حاول ان يكون عندك استراتيجية واضحه وفعالة للتسويق عن طريق البريد الالكرتوني ويكون هدفها انك ازاى تحافظ على العملاء الحاليين كعملاء دائمين.

وتعتبر واحدة من افضل الطرق انك تبعت رسالة عن طريق البريد الالكرتوني الى العميل بعد اول عملية شراء بعدها باسبوع مثلا انك تشكره فيه بالتعامل مع متجرك ووانك تقترح عليه منتجات مكمله للمنتج اللى اشتراه.

Discount free icon5- قدم خصومات أو قسائم شراء للعملاء الجدد.

في العادة دايما بنحذر في موضوع انك تقدم تخفيضات للعملاء لان لما بتعمل تخفيضات على منتجاتك ده ممكن يخلي عميل بتعود على الاسعار المنخفضة وده بيأثر على نسبه ربح متجرك بالذات لما بيكون هامش الربح بتاعك مش كبير اصلا ممكن تكون فيها مخاطرة على متجرك.

بس بالرغم من ده انك لما تقدم التخفيضات للعملاء الجدد في اول عملية شراء ليهم ده شيء محبذ وانك تبعت ليهم كود تخفيض لعملية الشراء التانية ودي وسيلة عظيمه بتدفعهم على الاستمرار بالشراء من متجرك

Growth free iconحفاظك على عملائك الحاليين أساس نمو مشروعك.

من المؤكد لما تعمل قاعدة عملاء حاليين وتكرارهم لعمليات الشراء ده اساس اللى بيقوم عليه اي متجر الكتروني. العملاء بالفعل يعرفوا متجرك, بيعروف ا منتجاتك اللى بتقدمها, بيقدروا الخدمه المميزة اللى بياخدوها, وبالتالي تركيز وقتك وجهدك على تحسين علاقتهم مع متجرك دي اكتر وسيلة فعالة لمضاعفة ارباح تجارتك وبتكاليف وجهود اقل بكتير من انك تدور على مشترين جدد.