مين هو الجندي المجهول في علم التسويق !؟

مين هو الجندي المجهول في علم التسويق !؟

مين هو الجندي المجهول في علم التسويق !؟
مين هو الجندي المجهول في علم التسويق !؟

البحث التسويقي

Ninja free iconالبحث التسويقي في علم التسويق هو الجندي المجهول, وللأسف هو الجزء اللى مبياخدش حقه في العملية التسويقية واحيانا كمان بيضيع وسط ابداع وجمال اجزاء تانيه في العملية التسويقية.

زي مثلا: جزء الاعلان والعلاقات العامة او حتى جزء المنتج وتطويره وبناء العلاقة التجارية.

لكن لما تتعمق اكتر في التسويق, هتبدأ تفهم الدور المهم المؤثر جدا اللى بيعمله البحث التسويقي في حياة العملية التسويقية, وتبدأ تقتنع بأن البحث التسويقي هو الاساس القوي اللى بيتبني عليه اي عملية تسويقية او خطة تسويقية سليمة.

Analytics free iconايه هو البحث التسويقي:

البحث التسويقي هو طريقة منظمة جدا علشان تجمع معلومات تستفيد منها في انك تصحح اوضاعك وتحل مشاكلك التسويقية او تعرف عن السوق وبكدة تشوف اللى منافسين معرفوش يشوفوه او انك تجرب منتجك الجديد قبل اطلاقه في السوق او تشوف نتيجه التأثير في متغيرات مرتبطة بمنتجك الحالى زي التغيرات في التسعير او المنتج او الدعاية.

طيب يا ترى في فرق بين “البحث التسويقي Marketing Research”  – “وبحث السوق Market Research” !!

طبعاا في فرق وفرق شاسع بين المصطلحين:

بحث السوق (Market Research)

هو مصطلح تسويقي بيعبر عن مجهودك عمما اللى بتعمله عشان تلاقي معلومات تسويقيه مهمة عن عناصر السوق زي مثلا: المستهلكين   والموردين والموزعين والمنافسين وعن البيانات اللى بتأثر على الشركة زي البيانات التكنولوجية والاقتصادية ولقانونية والسياسية والبيئية والثقافية والاجتماعية, والبحث ده ممكن يتعمل بشكل عشوائي واي حد ممكن يعمله لان معلومات هتجمعها من اي وسيلة تقابلك, هتسأل ناس – هتشوف بيانات – Marketing Data على النت والمواقع المتخصصة, هتحاول تتجسس تسويقيا على المنافسين Marketing intelligence – هتشوف البيانات المتاحة الداخلية للشركه internal records – الخخ…

البحث التسويقي (Marketing Research)

فهو مجهود منظم جدا من الشركات, بيبدأ بتحديد اهداف البحث التسويقي وتحديد اساليب وادوات تنفيذ البحث, وتحديد العينة – Sampling بطرق اختيار العينة المختلفة, وبعد كده تنفيذ البحث عن طريق فريق محترف تسويقيا واللى بيجمع البيانات المطلوبة, واللى بتحلل احصائيا بعد كده وبيتعمل بيها تقرير لمتخذ القرار.

Statistical data abstract on paper and tablet Free Vector

يعني نقدر نقول ان في حين بحث السوق ممكن اي حد يعمله وممكن يبقى جهد عشوائي تعرف من خلاله ايه اوضاع السوق الحالية معدل نموه, الفرص والتهديدات المحتلمة فيه, هتلاقي ان البحث التسويقي هو عملية تسويقية منظمة جدا ولازم تتبنى على اساس علمي بتعرف من خلالها معلومات عن اي حاجة عاوز تعرف عنها بما فيها السوق.