ازاي تتعرف على المنافسين ليك وتتغلب عليهم

الخطوة الاولى في تطوير استراتيجية تسويق ناجحة هو انك تحدد المنافسين ليك من خلال البحث التفصيلي للسوق .

 

الخطوة الاولى في تطوير استراتيجية تسويق ناجحة هو انك تحدد المنافسين ليك من خلال البحث التفصيلي للسوق .
لو معرفتش المنافس ليك من المحتمل ان شخص تاني ياخد مميزات اكبر وسيطرة على السوق , مثلا ممكن يكون شخص عنده ويب سهل الاستخدام او بيعرض نفس المنتج بس بسعر اقل , بعد تحديد المنافسة هتتجنب المشكلات وبالتالي هتقدر تحافظ على القدرة التنافسية معاهم.
انك تتعرف على المنافسين ليك في السوق هيساعدك تخلي منتجاتك وخدماتك وعروضك التسويقية وهتخليك تظبط اسعارك بشكل تنافسي ويساعدك كمان انك تتصدى للحملات التسويقية المنافسة واستغلالها لمصلحتك.
ميزة انك تتعرف على المنافسين كمان انك تقدر تنشئ استراتيجيات تسويقية تستفيد من نقاط الضعف اللي عند المنافسين وتحسن اداء عملك الخاص , وبردو تقدر تقيم اي تهديدات بيطرحها منافسيك او الناس الجديدة اللي دخلت السوق وهتساعدك انك تكون واقعي ومدرك لامكانياتك ومدى نجاحك.

طيب مين هو المنافس ؟

كل الشركات عندها منافسين حتى لو كان عندك مطعم مميز ومفيش غيرك بيقدم الحاجة دي لازم تتنافس مع السينمات والكافيهات لان العملاء هيصرفوا فلوسهم عندهم بدل منك ومع استعمال الانترنت في شراء اي حاجة وتدور على اماكن , وصار مفيش تنافس بس من جيرانك ده كمان مع شركات في بلدان تانية .
وممكن يكون المنافس شركة جديدة بتقدم منتج بديل او شبه منتجك , كدا هيبقى منتجك مكرر. فالمنافسة مش بس بينك وبين الشركات انها هتاخد مثلا عملاء ده ممكن يكون منتج تم تطويره وهنا لازم انك تبيعه او ترخصه قبل ما حد تاني يعمل كدا.
ومتدورش عن منافسين موجودين اصلا انت محتاج انك تكون دايما متابع للمنافسين المحتمل وجودهم , ممكن تعرف المنافسين ليك عن طريق :

– ادلة الاعمال المحلية (Yellowpages).
– غرفة التجارة المحلية الخاصة .
– الاعلانات.
– التقارير الصحفية.
– المعارض التجارية .
– الاستبيانات.
– تدور على النت عن منتجات او خدمات مشابهة.
– معلومات مقدمة من العملاء.
– دور عن المنتجات اللي حاصلة على براءة اختراع واللي شبه منتجاتك.

Image result for emoji imagesايه محتاج اعرفه عن المنافسين؟ براحة هقولك اهو :

1- راقب طريقة عمل المنافس: وخد بالك من :
– المنتجات اللي بيقدمها وازاي بيسوقها.
– الاسعار.
– ازاي بيوزع منتجاته.
– الاجهزة اللي بيستخدمها وايه اللي بيقدمه بعد البيع ( خدمة ما بعد البيع) .
– العلامة التجارية والتصميم.
– عدد الموظفين وخبراتهم.
– ازاي بيستخدم التكنولوجيا (ويب سايت – مواقع التواصل الاجتماعي).
– الانشطة الاعلامية – شوف موقعه على النت .

2- ادرس المنافسين ليك كويس:
– مين هما .
– ايه المنتجات اللي بيشتريها العملاء باستمرار.
– ايه اللي شايفينه العملاء من نقاط قوة وضعف.
– عنده عملاء من فترة طويلة ولا لا .
– هل في عملاء بيشتروا من عنده باستمرار.

3- اعرف المنافس بيخطط لايه :
– يكون مدرك للي جاي
– ايه انواع العملاء اللي بيستهدفهم.
– ايه المنتجات اللي بيطورها.
– ايه الموارد المالية اللي عنده.

4- جمع معلومات عن المنافسين :
– اقرا عنهم , شوف بيروجوا لنفسهم ازاي .
– اطلب منهم منتج وجربه .
– لو منافسك شركة عامة اقرا تقريره السنوي.

5- روح للمعارض اللي بيروحها المنافسي .

6- راقب المنافس على النت , شوف موقعه شوف الاجزاء التفاعلية من الموقع عشان تعرف اذا ممكن تحسنها او تضيفها في موقعك الخاص .

7- تابع المصادر المرجعية:
( جمعيتك المهنية , غرفة التجارة المحلية و مركز المعلومات الاستراتيجية.)

8- اسمع المعلومات الخاصة بالمنافسين ليك :
لازم تتكلم مع المنافس ليك وتطلب منتجهم وتشوف الاسعار ولو في خصم للكمية , ده هيعطيك فكرة ازاي تتولى الاسعار عندك.

9- تواصل مع العملاء والموردين :
استفسر من عملائك عن جودة ادائك , اقعد مع الموردين عشان تعرف العملاء الاخرين بيعملوا ايه ممكن ميقولوش كل حاجة بس على الاقل هتعرف معلومات بسيطة.

دلوقتي بقى هقولك نصايح لتحليل المنافس ليك :

حضور المؤتمرات والبازارات

انك تحضر بازار دي طريقة حلوة عشان تتعرف على المنافسين ليك وتشوف بيتعاملوا ازاي مع العملاء واسعارهم وتشوف منتجاتهم.

تحديد نقاط القوة والضعف في التسويق عن طريق وسائل التواصل الاجتماعي

 في الوقت الحالي اي شركة لازم تعمل صفحة (Facebook , Instagram) ده طبعا بيساعدهم ينجحوا ويتعرفوا اكتر , فأنت محتاج تستخدم كل معلومة وطريقة عشان تحلل السوق عشان تعرف اللي بيدور حواليك.

الانظمة الاساسية

ممكن تلقي نظرة على المنافس بيستخدم ايه اكتر منصة متفاعل عليها Facebook, Twitter واذا كان بيستخدم منصات تانية زي LinkedIn , Tumblr , Pinterest , Reddit and Instagram .

التكرار

ايه معدل مشاركة المنافسين لمنتجاتهم على وسائل التواصل الاجتماعي , ايه انواع المشاركة (فيديو ولا صور ) امتى بينشر Posts بالظبط .

المتابعة

لازم تشوف عدد المتابعين لمنافسك ودي مش حاجة وحشة لانه هيعطيك فكرة عن استراتيجيته واذا كان عدد المتابعين في تزايد او لا .

وقت الاستجابة

ازاي بيستجيب المنافسين لاسئلة وآراء العملاء على الشبكات الاجتماعية , بيردوا بسرعة ولا مش بيردوا اصلا , هل ليهم وقت محدد يردوا فيه.

تحليل استراتيجية المحتوى التسويقي للمنافس
تقدر تستخلص مستوى اداء المحتوى بيك وبمنافسيك من خلال :
  • نوع المحتوى.
  • تكرار النشر .
  • الجودة .
  • ملائمة المحتوى (Post) .
  • الجمهور .
حلل استراتيجية التسويق عن طريق E-mail للمنافس ليك

اشترك في موقع منافسك عشان تشوف اخباره وتقدر تتواصل معاه وتشوف ازاي بيتعامل مع العملاء.

ازاي تستفيد بالمعلومات اللي جمعتها عن المنافس ؟

المعلومات اللي انت بتجمعها عن المنافسين هتقولك لو في ثغرات في السوق ممكن تستغلها وهيقولك كمان في تشبع في منطقة معينة من المنافس ده او لا وده هيخليك تركز على المنطقة دي وتحاول تغطي احتياجها للحاجة دي .
اعمل قائمة صغيره عن منافسيك مهما كان صغير

ايه اللي تقدر تعمله وتتعلمه عشان تبقى افضل منهم ؟

لو كنت متاكد ان المنافسين احسن منك انت محتاج تغيير بعض الاجراءات ممكن مثلا خدمة العملاء , تقييم اسعارك , تحديث منتجاتك , تغيير طريقة التسويق و اعادة تصميم موقعك الالكتروني .
حاول تستغل الثغرات اللي عندهم لصالحك وتكون متفوق عليهم إما في الخدمات , التسويق , الاسعار و جودة المنتجات . الموضوع مش متعلق بسرقة الافكار الامر متعلق بكشف نقاط القوة والضعف عنده وتلاقي المزايا التنافسية لشركتك.

ودلوقتي بعد ما عرفت كل حاجة وبقيت عارف كل الجوانب لازم تبدأ تنفيذ خطتك ومشروعك.

متحاولش تقلد لازم تبتكر عشان تبقى رقم 1 في السوق .