المنتج رخيص ولا غالي ؟ حدد استراتيجية التسعير

في الوقت الحالي هنلاقي منتجات كتير وخدمات بتتباع عن طريق النت , الموضوع ده عمل تعزيز للاعمال التجارية بشكل اوفر.

Ostoria
Ostoria

في الوقت الحالي هنلاقي منتجات كتير وخدمات بتتباع عن طريق النت , الموضوع ده عمل تعزيز للاعمال التجارية بشكل اوفر. ازاي تحدد استراتيجية التسعير.

تعال نتكلم فيه شويه !
في دراسة كدا اخس عليها قالت ان نسبة 29% من سكان الشرق الاوسط بيشتروا من النت (عندهم حق والله) عشان سهل وبيختصر في الوقت.
نيجي بقى للسؤال الخطششير : انت كصاحب عمل تجاري على النت ازاي تختار السعر المثالي اللي يكون عادل بالنسبة ليك وجذاب ومقبول بالنسبة للمشتري(باعتبار انهم بيفضلوا الاسعار الرخيصة)؟

ومتنساش ان في منافسين , كل ده يحطك قدام اهمية انك تتعلم تحط استراتيجية فعالة في تسعير المنتجات اللي بتبيعها اونلاين عشان كدا فكرنا اننا نعطيك الزتونة عشان تساعدك انك تسعر المنتجات واختيار السعر الامثل ضمن معايير لازم تنتبه ليها .

Image result for emoji imagesشوف يا سيدي !

– طريقة تسعير المنتجات:

تسعير المنتجات بيعتمد على مبدأ انك تفهم كويس العلاقة القائمة بين:
– المبلغ اللي انت حاطه في المشروع واللي بيتم صرفه على استراتيجيات التسويق المختلفة اجور عاملين ,مصاريف شحن ……الخ.
– القيمة الحقيقية اللي بيقدمها المنتج للمشتري .
– الجهد المبذول على اعداد المنتج او قيمة العمل المعنوية لو المنتج HandMade.

منين لازم ابدا في دراسة نوع العميل او شخصية العميل Persona اللي هيلائموا منتجاتي ؟
تعال نحط اسئلة :

– العميل بيدور على ايه ؟
– السوق محتاج ايه ؟
– ايه الجديد اللي انت تقدر تقدمه يجذب العميل؟

هنا هتحاول جمع الاجابات على الاسئلة دي وهتكون الاجابات مهمة جدا لانها هتوجهك اثناء تحضير المنتج عشان يتلائم مع متطلبات العملاء.

ملحوظة بقى مهمة ! لو صاحب العمل عنده متجر مادي:
يعني بيدفع ايجار شهري وفواتير كهرباء لازم تضيف كل ده على قائمة المصروفات اللي بتدفعها للانتاج , ممكن تخصص نسبة صغيرة وليكن 5% . تعال اقولك مثال:

تخيل معاي كدا بمخيلتك اللذيذة دي انه انا (ليندا) عندي Store واشتريت 300 قطعة شنطة حريمي , سعر الشنطة واقف عليا (100 جنيه) وهدفع 200 مصاريف شحن.

Image result for ‫انت كداب يابو صلاح‬‎

:تعال نشوف المصاريف التانية اللي هدفعها

1500 ايجار المكان
1000 مرتبات لكل عامل
500 فاتورة كهرباء

تكاليف الشهر الواحد : 1500+1000+500= 3000

عوامل لازم تفكر فيها لما تسعر منتجاتك :

1- هل المنتج هيكون متاح للشراء بشكل دائم ولا فترة معينة؟
طبعا لازم نتكلم في النقطة دي , في حاجة اسمها عامل الندرة Scarcity وهي من اهم العوامل اللي بتاثر على قرار العميل.

ايه هو عامل الندرة؟

دي مؤثرات نفسية على العميل وقراره بالشراء باعتباره انه تقنية بتستخدم في زيادة كمية المبيعات , وبتعتمد على انك تقول عبارات تنبه العميل ان المنتج ده يشتريه بسرعة او مش هيكون متاح بعدين وده اغلب المتاجر بتعمله حاليا.
وطبعا العامل ده بياثر على السعر حتى لو كان السعر عالي شوية والمنتج ضروري هيخلي العميل يتحمس زيادة ويشتريه ويتجاهل موضوع السعر.

2- احتمال الشركات او المتاجر التانية تنزل نفس المنتج :
لازم تفكر ان في متاجر بتقدم نفس المنتج ولازم تحط ببالك ان السعر لو معجبش الناس في احتمال كبير انك تخسر العملاء. اما لو كنت بتقدم منتج مش متوفر كتير في السوق او من الصعب توفيره وقتها تاخد في عين الاعتبار تسعير المنتجات.

الناس دايما مستعدة تدفع اي مبلغ لما يكون المنتج نادر , بس فكر بقى لما تسعر منتجاتك:
– التكاليف الداخلة في اعداد المنتج +تسويقه+الضرائب+مصاريف الشحن.
– القيمة اللي المنتج هيقدمها للعميل.
– طبيعة العملاء- استعداده للشراء.
– المده اللي هيكون فيها المنتج متاح.
– درجة المنافسة على اعداد المنتج.

اختيار احسن استراتيجية لتسعير المنتج:

قبل اي حاجة لازم تعرف ان الغاية من تسعير المنتجات هو تحقيق البيع وزيادة الكميات اللي بتتباع مع الوقت . بعد ما تحسب النقاط اللي اتكلمنا عليها انت حاليا جاهز انك تقرر اذا كنت هتحدد سعر مرتفع او منخفض للمنتج.

وضع سعر مرتفع للبيع:

انك تحط سعر عالي معناه ان سعره يكون اعلى من اللي بالسوق.
الاستراتيجية دي سيئة لو المنتجات متوفرة بكترة , لو المنتجات نادرة ممكن الاستراتيجية دي كويسة وانك تكون متاكد ان الناس مش هيعترضوا على السعر.

وضع سعر منخفض للبيع:

انك تحط سعر رخيص يعني انك هتكون اقل من السوق. التاجر اللي هيفكر في استخدام الاستراتيجية دي هيوصل لجمهور كبير , ولما العملاءيعرفوا الجودة اللي بيمتاز بيها المنتج مع رخص سعره هيكسب ولاء العميلاء وهيبقوا عملاء دائمين للعلامة التجارية.
طبعا تقدر بعد فترة انك تعمل تعديل بسيط على السعر انك ترفع السعر شوية وقتها العميل مش هيعترض لانه واثق في جودة المنتج.
لكن افتكر ان مينفعش انك ترخص المنتج اكتر من اللازم وعلى راي المثل “اي حاجة بتزيد عن حدها بتتقلب ضدها” لما ترخص منتجك اوي عن اللي موجود بالسوق هيعطي العملاء انطباع ان منتجك مضروب وهيفكروا انك بتحاول تداري عيوب المنتج بالسعر.

امتى احدد السعر مرتفع ولا منخفض؟

لو كان هدفك انك تدخل السوق اللي مليان منافسين يفضل انك تستخدم السعر الرخيص ,ده هيساعدك انك تكسب عملاء كتير في وقت قصير.
اما لو كنت ناوي انك تجيب منتجات مش متوفرة في السوق ومفيش مخاطر المنافسة يبقى استخدم السعر المرتفع لان ده هيساعدك على ضمان الربح وعائد اعلى.

بشكل عام نقدر نقول لما تسعر منتجاتك ميكونش رخيص اوي لدرجة ان ميجيبش تمنه , ولا عالي او لردجة ان يضيع حماس المشتري انه يدخل متجرك تاني اصلا.
لازم تعرف ان تسعير منتجاتك مهم جدا سواء عندك متجر مادي او اونلاين.

افتكر! افضل استراتيجية اللي بتكون حصيلة اجاباتك و بحثك , خليك صادق مع نفسك وتاكد انك هتنجح.

Image result for creative