تدرس السوق ولا تحدد اهداف شركتك الاول ؟!

زي ما اتكلمنا قبل كدة عن استراتيجية التسويقية وقولنا قد ايه هي مهمة وتعتبر العقل التسويقي خلونا النهاردة نكمل كلام عنها وعن اهدافها.

زي ما اتكلمنا قبل كدة عن استراتيجية التسويقية وقولنا قد ايه هي مهمة وتعتبر العقل التسويقي خلونا النهاردة نكمل كلام عنها وعن اهدافها. اهداف شركتك

اهداف التسويق Marketing objectives

في سؤال مهم بيتسأل … هو ايه اللي شركة تبدأ بيه الاول؟ّ!

تحديد الأهداف وبعدين تدرس السوق، ولا العكس، تدرس السوق ووالبيئة المحيطة وبعدين تحط اهدافها التسويقية؟!

الأجابة الأدق هي الأجابة التانية ، لأن لازم الشركة تدرس البيئة المحيطة الأول وبعدين تحط اهدافها..

وسبب الأجابة دي بسيط جداا، وهو ان على حسب ظروف السوق والبيئة ، الشركة بتقرر هتبدأ شغل في السوق اصلا ولا لأ، او تبدأ دلوقتي ولا تأجل شغلها فترة.

وكمان الأهداف التسويقية بيكون ليها وقت وأرقام محددة، وده مش ممكن يحصل بدقة إلا لو كانت الشركة دارسه سوقها صح ، وعارفة هتحط اهدافها على اساس ايه.

مثلا: الشركة هتحط هدف انها توصل لمبيعات 100,000 جنيه او ارباح صافية 10,000 جنيه ، كل الأهداف دي هتفضل أحلام مش معروف ممكن تتحقق ولا لأ، الإ لما تعرف الشركة فعلا الطلب الموجود على السلعة او الخدمة اللى بتقدمها قد ايه، والطلب المتوقع على منتجاتها الجديدة قد ايه، وتدرس المنافسين والموزعين والموردين، وظروف البيئة الأقتصادية والثقافية و… الخ، وكل دي هيديها مؤشر قريب جدا من الصح عشان تحط اهدافها بدقة.

وأهداف التسويق كتير، بس اهم 3 اهداف تسويقية معروفة بتكون ثابتة في اغلب خطط التسويق :

1- تحقيق أرباح – Profits

Image result for Profitsالأرباح مختلفة عن المبيعات -Sales ، لأن الارباح بتكون صافية، والمبيعات لسه بيتخصم منها التكاليف والالتزامات المالية اللى على الشركة.

الارباح المستهدفة عشان تبقى في الصورة لازم الشركة تدرس الطلب المتوقع، والطلب اللى مفروض يحصل على المنتج عشان تحقق الارباح دي، وكمان هتحسب الإلتزامات المالية اللى المفروض تخصمها من الفلوس اللي جاية للشركة، وكل العوامل دي هتساعدها تحط هدف فيه ارباح منطقية وممكن تحقيقها.

2- نصيب سوقى -Market share

Characters of people and their social network illustration Free Vectorوده الجزء من السوق اللى شركة هتقدر تاخده من المنافسين، والنصيب ده بيتحسب على حسب المبيعات ( كمية المبيعات ) اللى بتحققها.

النصيب السوقى له طرق كتير عشان يتحسب، وأشهرها مثلا في سوق المنتجات الاستهلاكية هي ان الشركات المتخصصة في الابحاث وتجميع البيانات – Data بتحسب حجم المبيعات -Sales volume اللي بتحققها الشركات، ويتحدد على اساسه النصيب السوقى اللي تحتفظ به كل شركة من الشركات المتنافسة في الصناعات المتشابهة ( السوق الواحد ).

3- نشر اسم المنتج -Brand awareness

Related imageوالهدف ده معناه ان الشركة ينتشر اسم منتجها ويعرفه عدد معين من الناس، والشركة بتحدد العدد ده من الناس (تقريبيا) ، وطبعا كل ما بيزيد العدد ده بيزيد معاه العدد المحتمل تحوله من الناس دي لمشتريين وعملاء للشركة.

الشركات اللى بتعتمد على اساليب الترويج والأعلان المكثف – Mass communication بيكون هدفها انها توصل لعدد اكبر من الناس بالمقارنة مثلا مع الشركات اللى بتستخدم اساليب التسويق المباشر – Direct marketing.