ازاي توصل للجيل الاكبر سنا

المستهلكين اللي اعمارهم بتكون بين 45 و 72 سنة بيمثلوا جزء كبير من سوق المستهلكين في منطقة الشرق الاوسط , في كتير منهم بعد ما قضوا عمرهم في العمل والادخار بيملكوا قوة شرائية كبيرة في اقتصادات المنطقة.

Ostoria
Ostoria

المستهلكين اللي اعمارهم بتكون بين 45 و 72 سنة بيمثلوا للجيل الاكبر سنا و جزء كبير من سوق المستهلكين في منطقة الشرق الاوسط , في كتير منهم بعد ما قضوا عمرهم في العمل والإدخار بيملكوا قوة شرائية كبيرة في اقتصادات المنطقة. نيجي للسؤال المهم ازاي نوصل للجيل الاكبر سنا ؟

متاخدش صورة نمطية عن المتسوقين:

قبل ما نتكلم عن ازاي بيتم قضاء الوقت على النت , لازم تتخلص من صورة ان الجيل الاكبر يعتبر بعيد عن النت مش صحيح. في الحقيقة ان تقرير KPMG اتنشر في 2017 قال ان اللي 54 وما فوق عندهم دافع للتسوق الالكتروني زيهم زي جيل الالفية, وانهم كمان بيصرفوا فلوس كتير في كل عملية شراء ومع الاحصاءات دي هتلاقي كتير من الشركات بتوسع استراتيجيتها التسويقية على الاجيال الكبيرة في السن.
تسويق المحتوى بتركز على خلق محتوى جذاب لاستقطاب العملاء ولما الامر يتعلق بالاجيال الكبيرة ده معناه ان المسوقين لازم يعرفوا توجهاتهم على النت لما يقدموا المحتوى.

Facebook:

Wearing mature senior casual old

زي ما انت عارف ان فيسبوك منتشر بين الاجيال الا ان الجيل الاكبر سنا بيحب فيسبوك اكتر.
وفي دراسة في جامعة NorthWestern في قطر ان 70% من المقيمين في الشرق الاوسط واللي اعمارهم 45 وما فوق بيستخدموا الفيسبوك بانتظام وفي المقابل 25% بيستخدموا Twitter واقل منهم بيستخدموا Instagram و Snapchat .
كمان اللي بيستخدموا الفيسبوك بيقضوا اكتر من 20 ساعة في الاسبوع وهما طبعا من اكتر الناس اللي ممكن تقرا المنشورات الطويلة وبينشروها كمان على صفحتهم الخاصة , وبالنسبة لحضرتك بقى فيسبوك هي المنصة المثالية لتسويق المحتوى للجيل الكبير بالعمر.
وطبعا اساسيات تسويق المحتوى هتكون هي نفسها , لو عايز الجيل الاكبر عمرا يتفاعل مع المحتوى اللي بتقدمه لازم يكون قيّم و مسلي ويحتوي على المعلومات اللي مرتبطة باهتمامتهم واحتياجاتهم.
تركيزك لازم يكون على الفيديوهات القصيرة , توزيع المنشورات القصيرة والانفوجرافيك الحاجات دي هتخليهم يزوروا متجرك باستمرار.

Youtube :

في 40% من المقيمين بالشرق الاوسط واللي اعمارهم 45 وما فوق مستخدمين اساسيين لمنصة يوتيوب زيهم زي الاجيال الصغيرة بالسن لانهم بيستخدموا المنصة لتعلم مهارات جديدة , ترفيه وفي الفترات الاخيرة بيستخدموا النت عشان يعرفوا عن الامور اللي مثلا هيشتروها.
الفرق الوحيد بين الاجيال الكبيرة والصغيرة هي الصبر , لان الاجيال الصغير معندهاش قدرة انها تشوف فيديو طويل لكن الاجيال الكبيرة معندهاش مشكلة في انها تشوف فيديو طويل عشان تعرف معلومات اكتر.
لسوء الحظ ! كتير من المسوقين بيعتقدوا ان الاجيال الكبيرة بالعمر متعرفش حاجة عن التكنولوجيا بالتالي بيسعوا للوصول ليهم من خلال وسائط التواصل التقليدية ومش بيستخدموا يوتيوب نهائي . لكن الامر اتغير خلاص لان المسوقين بقوا على دراية بان يوتيوب بقى اداة قوية عشان يوصلوا لعدد اكبر من المستهلكين الكبار بالعمر.

في النهاية احب اقولك ان التسويق لجيل محدد يزيد عمره عن 45 سنة لازم يكون باستراتيجية اسمها التسويق للاجيال المختلفة. والتقسيم ده زيه زي التقسيمات التانية في السوق لانه بيساعدنا اننا نفهم المجموعة اللي حابين نستهدفها وبعدها نكتب محتوى مناسب ليها , وكل ما تم تقسيم الفئات بشكل افضل كل ما المحتوى بقى اكتر دقة.

Concept for business news

التـــخطيط بـــيسبق التــــطـــوير