سياسة الهاشتاج

تطورت لغة النت بشكل كبير في السنين اللي فاتت وانطلقت مواقع التواصل بشكل واضح , الهاشتاج كان جزء مهم و كبير من التطور ده و دلوقتي صار ظاهرة اساسية على مواقع التواصل . و طبعا ممكن الهاشتاج يكون مزعج في حالة استخدامه عمال على بطال.

Ostoria
Ostoria

تطورت لغة النت بشكل كبير في السنين اللي فاتت وانطلقت مواقع التواصل بشكل واضح , الهاشتاج كان جزء مهم و كبير من التطور ده و دلوقتي صار ظاهرة اساسية على مواقع التواصل . و طبعا ممكن الهاشتاج يكون مزعج في حالة استخدامه عمال على بطال. سياسة الهاشتاج

متهملش الهاشتاج:Image result for attention emoji

زي ما قلنا الهاشتاج مهم جدا , هي قفزة سريعة من Twitter للمواقع التانية زي Facebook , Google Plus and Instagram.
الناس بقوا بيستخدموا الهاشتاج على مواقع التواصل الاجتماعي بالتالي هيزيد عدد المتابعين لمجرد تصنيفك ضمن هاشتاج معين يسهل على العميل انه يلاقيك سواء من ضمن عملائك او لا.

السؤال المهم : ازاي تلاقي الهاشتاج المناسب للمحتوى اللي عايز تنشره وانك تتاكد انك استخدمته بشكل مناسب؟

الهاشتاج على Twitter : 
لو استخدمت الهاشتاج في تغريداتك هتحصل على تفاعل مضاعف عن التغريدة اللي بدون هاشتاج. في دراسات قالت انك ممكن تضاعف التفاعل وبدل من ان تغريدتك تتعاد 10 مرات ممكن انها تتعاد 20 مرة , كل ما في الامر انك ضفت هاشتاج او اتنين.
و زي ما قلنا استخدام الهاشتاج هيسهل على مستخدمي النت انهم يلاقو اللي بيدوروا عليه . في دراسة عملوها على 1.2 مليون تغريدة واتضح ان التغريدة اللي بيكون عليها هاشتاج او اتنين بتزيد نسبة اعادة التغريدة بنسبة 55% عن التغريدات اللي مفيهاش هاشتاج.
بس في المقابل لو استخدمت اكتر من هاشتاج هيجيب نتيجة عكسية .

الهاشتاج في Instagram :
زي ما قلنا انه مينفعش تستخدم اكتر من هاشتاج في Twitter لكن في Instagram الوضع مختلف , التفاعل بيحصل في اعلى مستوياته على الصور اللي عليها اكتر من 11 هاشتاج و دي بحسب الدراسات .
خليني اقولها بشكل واضح الهاشتاج هي الطريقة الافضل لارتفاع عدد المتابعين ليك.

الهاشتاج في Facebook :
تاثير الهاشتاج على الفيسبوك ليه طريقة مختلفة وبيتضح منها ان المنشور اللي مش عليه هاشتاج بيحقق تفاعل افضل من اللي عليهم هاشتاج.
الهاشتاج دخل الفيسبوك في 2013 واتضح ان تاثيره يساوي صفر على مستوى التفاعل للمنشور, و استخدام الهاشتاج بشكل مفرط هيسبب اثر سلبي بالتالي التفاعل هيكون اقل.

هقولك على ادوات هتساعدك في موضوع الهاشتاج:

Hashtagify.me :
ده من افضل ادوات الهاشتاج عشان الموقع ده بيضم كم هائل من المعلومات اللي من خلالها تقدر تحلل الهاشتاج وتعرف الهاشتاج اللي ليه شعبيه وفي حال اختيارك هاشتاج معين هتلاقي عرض مرئي لمدى شعبيته وبعض البيانات عنه.

Rite Tag :
الاداة دي بتساعدك تتاكد من مستوى اختيارك للهاشتاج بحيث يظهر ليك هل هو في حال جيد ولا فوق الجيد ولا مبالغ في استخدامه ولا ملوش اهمية اصلا . والموقع ده ليه اسلوب خاص في تقسيم مستوى الاداء على الهاشتاج عن طريق استخدام قوائم ملونة و ده بيساهم انه ياخد صورة عامة و سريعة.

Tagboard :
الاداة دي بتوريك الهاشتاج اللي اخترته ازاي بيستخدم في شبكات التواصل المختلفة , هتلاقي في صفحة النتايج في الموقع ده واللي بتعرض نتايج تحليل الهاشتاج من خلال استخدامه في Facebook , Instagram , Google Plus and Twitter وكمان بيعطيك فرصة انك تعرف ازاي الناس بيستخدموه وتحاول تبتكر اسلوب جديد.

Twita Lyzer :
في الحقيقة الاداة دي مش خاصة بالهاشتاج , الخدمة تتمحور على حسابات تويتر وايه الهاشتاجات اللي بتستخدم بكثره بمعنى انك لو حطيت اسم حسابك هيقولك ايه اكتر الهاشتاجات استخداما.

TrendsMap :
الاداة دي بتعرفك الهاشتاجات اللي بتستخدم حسب المنطقة الجغرافية . ده معناه انك لو عايز الهاشتاج بتاعك يوصل لمناطق جغرافية معينة كل اللي عليك استخدام الاداة دي عشان تضمن وصول تغريدتك للمناطق دي.

في النهاية احب اقول لحضرتك استعمل هاشتاج بسيط واحترم متابعيك ومتخنقهمش بالهاشتاجات الكتير سواء ليها صلة بمنشورك او لا , و احرص ان الهاشتاج يكون سهل الحفظ وواضح و مفهوم واهم حاجة يكون قصير وليه علاقة بالمحتوى.

افتكر دايما ان الهاشتاج مبقاش زرار على الموبايل لازم تعرف تتعامل معاه عشان توصل.

التفكير بيسبق التغيير