خليك ملك السوق – السوق المتخصص

باختصار كدا السوق ممكن نجزئه لاجزاء , العملية دي اسمها Market Segmentation ولان التجزئة دي لسه كبيرة وغير مفصلة بنختار احد الاجزاء و نستهدفه بعدين نجزء السوق المستهدف ده بالتفصيل عشان نوصل لسوق متخصص Niche Market تقدر تسيطر عليه.

Ostoria
Ostoria

باختصار كدا السوق ممكن نجزئه لاجزاء , العملية دي اسمها Market Segmentation ولان التجزئة دي لسه كبيرة وغير مفصلة بنختار احد الاجزاء و نستهدفه بعدين نجزء السوق المستهدف ده بالتفصيل عشان نوصل لسوق متخصص Niche Market تقدر تسيطر عليه. السوق المتخصص

تجزئة السوق : في طرق كتيرة تقدر تجزء بيها السوق :

جغرافيا : 

يتم التقسيم بناء على بيانات جغرافية (دول, اقاليم, مناطق, محافظات, مدن, احياء او الرمز البريدي).

ديموغرافيا: 

يتم التقسيم بناء على متغيرات تشمل (العمر, الجنس, الوضع الاجتماعي, عدد افراد الاسرة, الدخل, الوظيفة, التعليم, )

سلوكيا :

يقسم بناء على معرفة الافراد , انطباعهم , ردة فعلهم تجاه المنتج.

سيكوغرافيا :

هنا يقسم السوق بناء على متغيرات تشمل نمط الحياة Lifestyle, الشخصية و القيّم .

السوق المستهدف :
هي مجموعة من الزباين قرر المشروع التجاري تصويب الجهود التسويقية تجاهم وبالتالي بضايعهم , السوق المستهدف المعروف كويس هو اول عناصر استراتيجية التسويق , المنتج , السعر , المكان و الترويج ودول عناصر خليط التسويق الاستراتيجي الاربعة اللي بتحدد نجاح المنتج.

السوق المتخصص Niche Market :
هو سوق خاص بالمنتجات المرتفعة السعر جدا زي السيارات الرولزرويس و الساعات الروليكس مثلا ..و اللي بيكون عدد العملاء الليعندهم القدرة الشرائية لشرائها أصلا قليلين و بالتالي بيحتاجوا مجهود خاص في البحث عنهم و تقديم طرق ترويجية و دعائية مناسبة و موجهة ليهم و بنسمي الاستراتيجية دي Focus Strategy
يعني مثلا رولزرويس مش هتروح تعمل اعلان في OLX.
بس مش شرط يكون السوق ده متخصص بالحاجات الغالية.

في مميزات بقى عشان يتم اختيارك كسوق متخصص :

– شريحة السوق ده ليهم احياجات واضحة ومحددة.
– مستعدين للدفع حتى لو بسعر عالي عشان تلبي طلباتهم.
– نسبة اهتمام منافسين آخرين بالسوق ده متدنية.
– السوق المتخصص ليه حظ كبير من ناحية الحجم , الربح و النمو.

اخيرا لازم تحدد السوق , تجزئه و تستهدف اكتر الاجزاء اللي ليها فايدة عالية وبعدين جزئه لاجزاء دقيقة بعدا كدا استعد لخدمة السوق ده عشان تكون ملك العلامة التجارية في السوق .

الطريق للتميز نادر جدا تلاقيه زحمة