ايه هي استراتيجية السوق الازرق

هل تتخيل ان شركتك تبقى في يوم من الايام اقوى شركة في السوق؟ المنافس رقم 1 اللي بيسيطر على غالبية الحصة السوقية لو مكانتش كلها؟ معظم الشركات بتركز على ازاي تهزم المنافسين , المنافسة في الشراء او الجودة وانها بتدور على الميزة التنافسية لكن احيانا الشركات دي بتهمل اهدافها الاساسية وتقلل من قيمة المنتج.

السوق الازرق

هل تتخيل ان شركتك تبقى في يوم من الايام اقوى شركة في السوق؟ المنافس رقم 1 اللي بيسيطر على غالبية الحصة السوقية لو مكانتش كلها؟
معظم الشركات بتركز على ازاي تهزم المنافسين , المنافسة في الشراء او الجودة وانها بتدور على الميزة التنافسية لكن احيانا الشركات دي بتهمل اهدافها الاساسية وتقلل من قيمة المنتج. السوق الازرق

تعال نعوم في المحيط الازرق ونستكشف الكنوز.

ايه هي استراتيجية السوق الازرق ؟

هي استراتيجية لخلق مساحة سوق جديدة بعيدة عن سوق المنافسة التقليدي (Red Ocean Maraket) هي مش بس بتتجنب المنافسة دي بتلغيها من الاساس , عن طريق ابتكار قيمة جديدة للمستهلك بشرط تقليل التكلفة لاقصى درجة ممكنة.

ارجوك بلاش منافسة !

اسهل طريقة عشان تهزم المنافسين انك تتوقف عن منافستهم. الامر اشبه بشخصين , الاول عايز يركب سيارة فيها كل خدمات الراحة والرفاهية , اما الشخص التاني فكل همه انه يوصل بأي طريقة للمكان المحدد ومش مهم جودة الخدمة او معدل السلامة.
الشخص الاول بتتهافت عليه الشركات المنافسة وتقدم ليه كل يوم حاجة جديدة عشان يقارن ويختار الافضل , والشخص التاني من السهل ان الشركة تصنع ليه سوق جديد مخصوص يلبي احتياجه البسيط بأقل تكلفة واسهل خدمة ممكنة.

الامر مش سهل لازم الشركة تطور اساليبها في تقديم القيمة الجديدة عشان مفيش منافس تاني يزاحمها.
اي منافس هيحاول يدخل السوق الجديد هيتحط في مخاطرة ويسال نفسه هل هقدر اقدم نفس القيمة القوية بدون اي مزايا اضافية؟ هل اقدر احافظ على التكلفة القليلة؟
المنافس هنا عنده اختيارين : اما ان المنافسة تكون في القيمة (سرعة الوصول) او تكون المنافسة في السعر (التكلفة هتكون اقل).
انت دلوقتي هتخنق منافسيك في عدد خيارات اقل تتحكم فيهم انت , و بكدا هيبعد المنافس من محاولة دخول السوق الجديد لان احتمال مكسبهم يكون ضعيف.

التطبيق العملي: ترجمة النظرية دي الى استراتيجية بخطوات واضحة .

تحرر من حدود المطلب الحالي:
كل ما هتتحرر من عناصر المنافسة اللي بيعتبرها السوق القديم ضرورية ومن المستحيل الاستغناء عنها كل ما نجحت انك تخلق سوق ازرق خاص بيك.
هنتخيل ان جزء من العملاء الحاليين والمحتمليين للسوق القديم مش عملائهم و انهم مستنيين منتجك.

العميل الاول (المهتم) : 
بيستخدم المنتج التقليدي كتير ويقارن بين المنافسين , لكنه اقرب واسهل شخص يستنى منتجك و مستعد يجربه وكمان يكتفي بيه.
العميل التاني (متوسط الاهتمام) :
بيستخدم المنتجات القديمة لكنه بيرفض مميزاتها الكتير واللي بيشوفها انها مش مريحة.
العميل التالت (الغير مهتم) :
مش مهتم بالمنتج لان المنافسين بيتجاهلوه وبيركزوا على الفئة التقليدية وتخيلوا انها مريحة للعملاء , و ده الخطأ اللي انت هتستغله.

ابتكر قيمة جديدة تجمع بين اللي بيقدمه السوق القديم واضافة العنصر الجديد الخاص بيك بهدف تقليل التكلفة.

ازاي تكتشف القيمة الجديدة؟
من خلال دمج القيمة الاساسية بالقيمة المضافة باستخدام ادوات السوق الازرق.

يعني ايه الكلام ده؟ انا اقولكImage result for emoji images

1- القيمة الاساسية:
أ- حدد الخصائص والابعاد الرئيسية للمنتج , لو نجيت من حادث سقوط الطيارة زي توم هانكس في فيلم Cast Away مش هيفيدك الموبايل اللي فيه كاميرا قوية , كل اللي انت محتاجه شبكة قوية عشان تطلب المساعدة.
ب- حدد صفات مجموعة من العملاء بيفضلوا بس القيمة الاساسية في المنتج , من الطبيعي انك تلاقيهم بيستخدموا المنتجات الاقل تطورا في سوق المنافسين كمان بيضطروا لدفع سعر عالي ومفيش ارباح, هما بيعانوا من ارتفاع الاسعار وبيدوروا عن بديل بيفصل المنتج البسيط الغير معقد ومش بيهتموا بالرأي العام او المظهر الاجتماعي.

2- القيمة المضافة:
هي الافكار الجديدة وبتكون مفيدة للعميل وفي نفس الوقت غير مكلفة عشان تخرج بيها من السوق التقليدي.

ازاي تلاقي القيمة المضافة بسهولة؟

حدد كل الميزات التنافسية لمنتجات المنافسين واللي بتشبه بعض احيانا هتلاقي تلقائيا كتير من المستهلكين بيستفيدوا من بعض الميزات ويهملوا الحاجات التانية وبتكون عبئ عليهم في تكلفة الشراء.
(عميل عايز موبايل سريع ونت بس و مش محتاج كاميرا) مش عارفة ازاي لكن BlackBerry  عملت ده مع نظام الشات والتصميم والسرعة.
دلوقتي كل اللي عليك تقسم المستهلكين لدواير, كل دايرة تخص مجموعة بتتشارك في نفس الميزات ومن خلال بحثك التسويقي البسيط هتقرر اي دايرة هتنقلها معاك في السوق الجديد وتستهدفها وهتتفاجأ ان في مطلب جديد تماما المنافسين مخدوش بالهم منه.

3- ادوات السوق الازرق:
أ- منحنى القيمة : 
ممكن انك تزود وتقلل نسبة كل ميزة في منتجك مقارنة بمنافسين السوق القديم عشان يتناسب مع الفئة المستهدفة الجديدة ويقلل من تكلفتك.

ب- نموذج الاستبعاد – التقليل- التزويد- الصنع:
– استبعد الاكتر تكلفة.
– قلل من متوسط التكلفة.
– زود الاقل تكلفة (قيمة اساسية او مضافة) .
– ضيف افكار جديدة.

تعال اقولك على طرق تسهل عليهك التسويق:

الخدمات المكملة

اسال نفسك العميل بيعمل ايه قبل و بعد استخدام الخدمة الاساسية؟ وتقلل من العقبات زي المول مثلا.

سلسلة المشتريين:

قرار شراء الدواء بيشترك في 3 اشخاص .. المستخدم (المريض) المؤثر (الدكتور) والمشتري .

مفهوم الكتل الاستراتيجية:

منافسين بيستخدموا استراتيجيات متشابهة (مرسيدس , BMW) .

الجانب العملي والعاطفي:

لو منتجك يميل للجانب العاطفي (الشوكولاته , العاب اطفال) استغل عوامل تحفيز العاطفة لخلق قيمة جديدة.
ولو عملي استغل (السعر , السرعة و دمج الخدمات) زي FedEx .

لو ركزت على دمج القيمة الاساسية والقيمة المضافة هتصنع قيمة جديدة مبتكرة وهيكون ليها مطلبها وسوقها الخاص بعيد عن القروش المفترسة وهينعم منتجك بمحيط ازرق هادي وليه عملاء جدد.

اتعلم قواعد اللعبة الاول وبعدين اتعلم ازاي تلعب مع المنافسين.