موقعك الالكتروني اهم من المنتج اللي بتقدمه

كتير من المتاجر اللي بتبيع على النت بتهتم بالمنتج ، للاسف الاهتمام ده خاطئ بيعرضوا المنتج لكنهم بيهملوا في تقديم تفاصيل عن رغبتهم في ده . ممكن يستند على افتراض ان منتجهم كبير لدرجة انه مش محتاج لتفسير

Ostoria
Ostoria

كتير من المتاجر اللي بتبيع على النت بتهتم بالمنتج ، للاسف الاهتمام ده خاطئ بيعرضوا المنتج لكنهم بيهملوا في تقديم تفاصيل عن رغبتهم في ده . ممكن يستند على افتراض ان منتجهم كبير لدرجة انه مش محتاج لتفسير. موقعك الالكتروني اهم من المنتج اللي بتقدمه !
في الحقيقة دايما محتاج انك تقدم تفاصيل كتيرة ، في ناس بتعتقد انه من الاسهل انشاء فيديو جذاب اكتر من لما يكتبوا حاجة لموقعهم.

عشان كدا متسمعش النصيحة السيئة اللي بتقول ان المستهلكين مش عايزين معلومات و طبعا الشكوى اللي هتتلقاها هو ان موقعك مش بيجيب عن اسئلتهم بشكل فعال.

اوعى! تستخدم خدعة “بياع السيارات المستعملة” القديمة انك تخفي السعر او اي معلومات مهمة لاعتقادك ان ده هيشجع الناس على الاتصال بيك او انهم يدخلوا خاص يسالوا ، ببساطة الطريقة دي مش فعالة خالص.

بدل من التركيز على المنتج ، لازم موقعك يركز على المستهلك ، محتاج تتاكد ان زيارة الموقع و تصفحه بالكامل سهلة قدر الامكان للمستخدم و تقدر تتاكد ، تعال اقولك ازاي:

توقع الاسئلة:

مش ضروري انك تتوقع كل الاسئلة اللي في مخ العميل بس بردو لازم تتوقع الاسئلة المحتملة في موقعك او وصف المنتج لازم تفكر في المزايا اللي بيدور عليها عملائك ، و ايه هي الاعتراضات او المخاوف اللي ممكن تكون عندهم.

تقديم التفاصيل:

لو قللت التفاصيل عن منتجك ده خطأ كبير بيعتمد على نتايج ابحاث السوق ، يُفضل معظم المستهلكين الحصول على تفاصيل كتيرة عن اي شي هما هيشتروه ، في بعض الاحيان لما يرفض العميل انه يشتري منك مش هيقولك على السبب و غالبا هو نفسه مش هيكون عارف السبب الرئيسي ، السبب بقى انك سيبت الاسئلة بدون اجابة عشان كدا العميل ملتزمش بعملية الشراء. و احب ابشرك ان دي هتكون زيارته الاخيرة لموقعك.

حط السعر على المنتج (بلاش كلمه “Inbox”) :

عدم كتابة السعر على المنتج غير محبب بشكل عام عند المستهلكين و لو كان منتجك مفيهوش اي عيب مش هيكون عندك تردد انك تكشف عن السعر حتى لو عالي.
و بسبب عدم كتابة السعر انت ممكن تفقد عملية البيع ، ممكن المستهلك يرجع لموقعك لو ملقاش الحاجة دي عند حد تاني و ده نادر الحدوث.

هتسهل على العملاء الوثوق بموقعك:

عند البيع لازم تكون منصة مبيعاتك قابلة للتعريف كخدمة يمكن للمستهلكين الوثوق فيها . عادة ده بيكون متصل بخدمة دفع رئيسية عن طريق النت زي PayPal او انها تكون متصلة بخدمة زي Fawry او Cash On Delivery .

هتسهل عملية الشراء:

لازم تكون تجربة الشراء بسيطة و مستقيمة لو كان عرضك هيتضمن زيادة في الاسعار من الافضل تضمين ده كخدمة منفصلة بعد البيع.

خدمة ما بعد البيع:

و ده معناه انك بتشكر العميل على اعماله ، لازم تبذل الجهد لضمان عدم وجود شكوى عند العميل . و تعمل اللي وعدت بيه العميل و لو في سبب يمنعك انك تنفذ كل حاجة انت وعدتها للعميل كلمه و اشرح له الموقف لو ده ممكن ، قدم ليهم نوع من التعويض ده هيخليك عند المشتري موضع ثقة و هيحب التعامل معاك.

مفيش حاجة صعبة التنفيذ من اللي قلناه ، و اكيد هتستفيد بالكلام ده لو مشيت عليه خلي العميل رقم 1 .

لو عايز التفاحة تقع هز الشجرة